نئی دہلی(آن لائن) بھارتی شہر سمستی پور میں ایک انوکھا واقعہ پیش آیا ہے جہاں پولیس نے محبت میں گرفتار پریمی جوڑے کی شادی کروا دی ہے۔ بھارتی میڈیا کے مطابق پولیس نے رات ڈیڑھ بجے گشت کے دوران ایک لڑکے اور لڑکی کو دیکھا تو دونوں کو پوچھ گچھ کے لئے تھانے لے گئے۔ تفتیش کے دوران دونوں نے بتایا کہ وہ ایک دوسرے محبت کرتے ہیں۔ پوچھ گچھ میں پتہ چلا کہ لڑکی کا نام پروین جبکہ لڑکے کا نام محمد قمر الدینہے۔ دونوں کا کہنا تھا کہ وہ بالغ ہیں اور نکاح کرنا چاہتے ہیں۔ پولیس نے مکمل معلومات ا?ٹھا کرنے کے بعد دونوں کے اہلخانہ سے رابطہ کیا اور تھانے بلا کر خاندانوں کی رضامندی سے دونوں کی تھانے میں ہی دھوم دھام سے شادی کرا دی۔ شادی میں موقع پر لڑکے اور لڑکی کے اہلخانہ کے ساتھ تھانے کے لوگ بھی شریک ہوئے۔ دونوں کی کافی دھوم دھام سے شادی کرائی گئی۔ لڑکی غریب خاندان سے تھی جس کی وجہ سے اس کے نکاح کا انتظام تھانہ انچارج کے تعاون سے کیا گیا۔