نئی دہلی(نیوزڈیسک)سعودی سفارتخانے کے اہلکارنے دونیپالی خواتین کاریپ کردیا،بھارتی ٹی وی کے مطابق بھارتی پولیس سعودی سفارت خانے کے ملازم کی جانب سے دو نیپالی خواتین کے ساتھ مبینہ ریپ کے حوالے سے تحقیقات کررہی ہے۔30 سال اور 50 سال کی عمر کی 2 نیپالی خواتین نے پولیس کو بتایا کہ ا ±ن کو یرغمال بنا کر ریپ اور تشدد کا نشانہ بنایا گیا اور اس دوران انھیں بھوکا بھی رکھا گیا۔پولیس کے مطابق میڈیکل ٹیسٹ میں دونوں خواتین کےساتھ ریپ کی تصدیق ہوگئی ہے۔ پولیس کمشنر نیودیپ سنگھ کا کہنا تھا کہ انھوں نے ہندوستانی وزارت خارجہ اور سعودی سفارت خانے کو مذکورہ شخص کے سفارتی استثنیٰ کی حیثیت جاننے کے حوالے سے مراسلہ لکھ دیا ہے۔بھارتی وزارت خارجہ کے ترجمان نے بتایاکہ پولیس سے واقعے کے حوالے سے رپورٹ طلب کرلی گئی ہے اور رپورٹ آنے پر ہی کوئی کارروائی عمل میں لائی جائے گی۔ریپ کا شکار ہونے والی خواتین نے نجی ٹیلی ویژن کو بتایا ہے کہ انھوں ںے سفارت کار کے سعودی عرب میں قائم گھر میں کام کے لیے نیپال چھوڑا تھا، جہاں ان کو کبھی بھی ہراساں نہیں کیا گیا۔ایک متاثرہ خاتون کا کہنا تھا کہ ان پر تشدد کا آغاز ہندوستان میں منتقلی کے بعد شروع ہوا۔انھوں نے بتایا کہ ان پر ہر رات تشدد کیا جاتا اور اکثر تشدد اور ریپ کرنے والے مردوں کی تعداد ایک سے زائد ہوتی تھی۔خاتون کا کہنا تھا کہ اس کے سارے جسم پر تشدد کے نشانات موجود ہیں۔نیپالی سفارت خانے کے ایک سینیئر عہدیدار کا کہنا تھا کہ واقعے سے متعلق کسی بھی قسم کی سفارتی شکایت درج کروانے سے قبل ہندوستانی پولیس کی تحقیقات کے مکمل ہونے کا انتظار کیا جارہا ہے۔