سرگودھا (این این آئی)سرگودھا میں قتل کی گئی 7 سالہ بچی سے زیادتی کی تصدیق ہوگئی،

مقتولہ کی ابتدائی پوسٹ مارٹم رپورٹ سامنے آ گئی۔رپورٹ کے مطابق بچی کی موت شہ رگ کٹنے سے ہوئی، چہرے اور ماتھے کی ہڈیاں ٹوٹی ہوئی تھیں، جسم کے مختلف حصوں پر تشدد کے 7 نشانات پائے گئے۔دوسری جانب سرگودھا میں زیادتی کے بعد قتل کی جانیوالی 7سالہ منتہی زہرہ کے لواحقین نے تفتیش پر تحفظات کا اظہار کرتے ہوئے وزیراعلی سے انصاف فراہم کرنے کی اپیل کی ہے۔اہل خانہ کے مطابق سی سی ٹی وی کی مدد سے تیسری منزل سے بچی کی لاش ملی ہے، واقعے کے وقت دکان میں 5افراد تھے، تمام سے تفتیش کی جائے۔