واشنگٹن(نیوز ڈیسک ) امریکہ نے حماس سے تعلق رکھنے والے یحیٰ سنوار، راہی مشتاہا اور محمد دعیف کو عالمی دہشت گرد قرار دیا ہے۔محکمہ خارجہ کی جانب سے ایک بیان میں کہا کہ یہ اقدام انتظامی حکم نامے کے تحت اٹھایا گیا ہے، جس کے ذریعے ا?ن دہشت گردوں کو ہدف بنایا جاتا ہے جو دہشت گردوں کو امداد فراہم کرتے ہیں یا دہشت گردی کے عمل میں مدد دیتے ہیں۔بیان میں کہا گیا ہے کہ امریکی شہریوں پر دہشت گردوں یحیٰ سنوار، راہی مشتاہا اور محمد دعیف کے ساتھ مالی لین دین کی ممانعت ہوگی، جب کہ امریکہ کے اندر یا پھر ان علاقوں میں جو امریکی زیر اثر یا کنٹرول میں ہیں، ان کی ساری ملکیت منجمد کردی گئی ہے۔یحیٰ سنوار حماس کے ایک رہنما ہیں، جو حماس کے فوجی دھڑے، ’عزالدین القسام برگیڈ‘ سے تعلق رکھتے ہیں، جسے پہلے ہی بیرونی دہشت گرد تنظیم قرار دیا جا چکا ہے۔انھیں1988ءمیں اسرائیل میں دہشت گرد سرگرمیوں کے الزام میں گرفتار کیا گیا تھا۔ سنوار کو مغوی اسرائیلی فوجی، گیلاد شلاط کے بدلے 2011ءجیل سے رہا کیا گیا تھا۔ اس وقت، 1980ءکے عشرے کے اواخر میں دو اسرائیلی فوجیوں کے اغوا اور ہلاکت کے جرم میں وہ عمر قید کی سزا کاٹ رہے تھے۔راہی مشتاہا کا تعلق حماس سے ہے، جب کہ وہ ’عزالدین القسام برگیڈ‘ کے بانیوں میں سے ہیں۔ انھیں دہشت گرد حرکات کی وجہ سے اسرائیل نے 1988ءمیں گرفتار کیا تھا۔ تاہم، 2011ءمیں انھیں اسرائیلی فوجی، گیلاد شلاط کی رہائی کے بدلے جیل سے رہا کیا گیا تھا۔محمد دعیف ’عزالدین القسام برگیڈ‘ کے چوٹی کے کمانڈر ہیں۔ انھیں خودکش بم حملہ آوروں کی تقرری اور اسرائیلی فوجیوں کو اغوا کرنے کا مجرم جانا جاتا ہے۔ اسرائیل اور حماس کے درمیان 2014ءکے تنازع کے دوران دعیف حماس کی لڑاکا حکمت عملی کا سرغنہ خیال کیا جاتا تھا۔