لاس اینجلس( مانیٹرنگ ڈیسک )امریکہ کی عالمی شہرت یافتہ اداکارہ مارلن منرو کے صدر جان کینڈی کی سالگرہ پر پہنے گئے لباس کی نیلامی ہو رہی ہے۔منرو نے اس لباس میں بغیر سانس لیے صدر کینڈی کو اْن کی 45 ویں سالگرہ کی مبارکباد دینے کے لیے گانا گیا۔مارلن منرو نے سنہ 1962 میں نیوریارک کے میڈاسن سکوایئر گارڈن میں ہونے والی تقریب میں یہ لباس پہنا تھا۔لباس بہت ہی چست تھا اور ایسا محسوس ہوتا تھا کہ پہنے کے بعد اْسے سیا گیا ہوا۔منرو اس تقریب کے تین ماہ بعد انتقال کر گئی تھیں اور صدر کینڈی 1963 میں مارے گئے تھے۔منرو کا یہ لباس 1999 میں 12 لاکھ 60 ہزار ڈالر میں نیلام ہوا تھا اور اب نومبر میں ہونے والی نیلامی میں امید کی جا رہی ہے کہ اس کی بولی 30 لاکھ ڈالر تک لگے گی۔یہ لباس ریشم کا بنا ہوا ہے اور اس میں ہزاروں کی تعداد میں چمکتے پتھر اور ستارے لگے ہوئے ہیں۔لباس کی نمائش 17 نومبر کو لاس انیجلیس میں ہو گی۔نیلامی سے قبل لباس کو نمائش کے لیے میوزیم میں رکھا جائے گا۔