نیویارک ….. ویسے تو انٹرنیٹ کی دنیا میں ہر ای میل ، سوشل میڈیا اور ہر ایک سائٹ پر ممبرشپ کی صورت میں صارف کو کوئی نہ کوئی پاس ورڈ تو رکھنا ہی پڑتا ہے مگر کیا وہ سب سے بہتر یا بدترین تو نہیں؟

اگر آپ اپنے پاس ورڈ کو بہترین سمجھتے ہیں تو 2014 کے 25 بدترین پاس ورڈز کی یہ فہرست دیکھ لیں اور پھر فیصلہ کریں کہ کہیں آپ بھی ان میں سے کسی کو استعمال کرکے خود کو محفوظ تو نہیں سمجھ رہے؟

سپلیش ڈیٹا نامی کمپنی نے گذشتہ برس لیک ہونے والے 33 لاکھ پاس ورڈز کے ڈیٹا کی بنیاد پر25 بدترین پاس ورڈز کی فہرست مرتب کی ہے اور اس میں پہلا نمبر لے اڑا ہے 123456 نے۔

اگر یہ آپ کا پسندیدہ پاس ورڈ ہے تو معذرت کے ساتھ کہنا پڑے گا کہ یہ 2011 سے مسلسل ہر سال بدترین پاس ورڈ کا اعزاز اپنے نام کررہا ہے۔

اس کے بعد دوسرا نمبر رہا لفظ password کا جبکہ تیسری پوزیشن کا ‘ اعزاز ‘ 12345 کے نام رہا۔