بیجنگ۔۔۔۔ اگر اپ خوبصورت ہیں تو چین جائیں کیونکہ چین میں ایک ہوٹل خوبصورت گاہکوں کو مفت کھانا فراہم کرے گا۔ چینی میڈیا کے مطابق زنگ ضو میں واقع یہ ہوٹل کھانا کھانے کے لئے آنے والے گاہکوں میں سے سب سے زیادہ خوش شکل قرار دیے جانے پر مفت کھانا دیتا ہے۔ گاہکوں کی آمد پر ان کی تصاویر کھینچی جاتی ہیں اور ایک مقامی کاسمیٹک سرجری کے کلینک کا عملہ ان تصاویر میں سے پانچ سب سے زیادہ خوبصورت افراد کا انتخاب کرتا ہے جن کو کھانے کا بل ادا نہیں کرنا پڑتا۔ سوشل میڈیا پر اس پیشکش کا خوب چرچا ہو رہا ہے تاہم کچھ لوگوں کا کہنا ہے کہ اس سے صارفین کی عزت نفس کو ٹھیس پہنچ سکتی ہے۔ خیال رہے کہ کچھ عرصہ قبل چین میں ایک اور ریسٹورنٹ نے موٹاپے کا شکار مردوں اور دبلی پتلی خواتین کو کھانے میں رعایت کی پیشکش تھی۔