پشاور۔۔۔۔ خیبرایجنسی میں سیکیورٹی فورسز کی کارروائی کے دوران ارمی پبلک اسکول پر حملے کا سہولت کار صدام ہلاک ہوگیا جب کہ ملزم کے 6 ساتھیوں کو بھی حراست میں لے لیا گیا۔خیبرایجنسی کے پولیٹیکل ایجنٹ شہاب علی شاہ نے پشاور میں پریس کانفرنس کرتے ہوئے بتایا کہ سیکیورٹی فورسز کی جانب سے خیبرایجنسی کے علاقے جمرود میں کارروائی کی گئی جس کے نتیجے میں کالعدم تحریک طالبان کے گیدڑ گروپ کا ا?پریشنل کمانڈر مارا گیا جب کہ کارروائی کے دوران اس کے 6 ساتھیوں کو بھی گرفتار کرلیا گیا ہے جن سے اہم انکشافات کا امکان ہے۔ انہوں نے بتایا کہ دہشتگرد صدام نے پشاور میں ا?رمی پبلک اسکول پر حملے میں سہولت کار کا کردار ادا کیا تھا جب کہ وہ خطرناک اور مطلوب دہشتگرد تھا جو پولیو ٹیموں پر حملے، طورخم چیک پوسٹ، سوات اسکاؤٹس پر حملوں، اسکولوں کو اڑانے اور قبائلی رہنماؤں کی ٹارگٹ کلنگ میں بھی ملوث تھا۔