اسلام ا باد۔۔۔۔۔ا رمی چیف جنرل راحیل شریف نے کہا ہے کہ دہشتگردوں کے خاتمے تک ضرب عضب جاری رہے گا،دہشتگردی پر قابو پانے کیلئے سخت قوانین ، موثر اقدامات کی ضرورت ہے۔
پارلیمانی رہنماؤں کے اجلاس میں بریفنگ دیتے ہوئے ا رمی چیف جنرل راحیل شریف نے بتایا کہ فوج نے د ہشت گردوں کیخلاف مختلف آپریشن شروع کر رکھے ہیں۔ ضرب عضب اور خیبر ون ا پریشن کامیابی سے جاری ہیں۔ دہشت گردوں کے خاتمے تک ضرب عضب ا پریشن جاری رہے گا۔ انھوں نے کہا کہ دہشت گردی پر قابو پانے کے لیے سخت قوانین ، موثر اقدامات کی ضرورت ہے۔ ضرب عضب میں ابتک 2100 سے زائد دہشتگرد مارے گئے ہیں۔ انھوں نے بتایا کہ آپریشن ضرب عضب میں 190 جوان شہید ہوئے۔ ایساف اور افغان فورسز نے مکمل تعاون کی یقین دہانی کرائی ہے۔ پاک افغان سرحد کے قریب اب تک آپریشن میں 150سے زائد دہشتگرد مارے گئے ہیں۔ تحریک طالبان کیخلاف ایساف ، افغان انٹیلی جنس کا آپریشن آگے بڑھ رہا ہے۔