نئی دہلی۔۔۔۔1993 دھماکوں سے جڑے ایک کیس میں سزا کاٹنے والے بالی ووڈ اداکار سنجے دت کو دو ہفتوں کی رہائی مل گئی ہے۔انڈین ایکسپریس نے جیل حکام کے حوالے سے بتایا کہ سنجے کو ضابطہ کی کارروائی مکمل کرنے کے بعد جانے کی اجازت ہو گی۔خیال رہے کہ سنجے مئی، 2013 سے اپنی پانچ سال قید کے باقی مانندہ 42 ہفتے کی سزا پوری کر رہے ہیں۔1993 میں ہونے والے دھماکوں کے بعد ان کے قبضہ سے غیر قانونی اسلحہ ملا تھا۔جیل سپرنٹنڈنٹ یوگیش دسائی نے بتایا کہ یاروادا جیل کو سنجے کی منظور شدہ درخواست موصول ہو چکی ہے۔ضابطہ کی کارروائی مکمل ہونے کی صورت میں سنجے بدھ کو باہر آ سکتے ہیں۔وہ مئی، 2013 سے اب تک 118 دن پے رول پر جیل سے باہر گزار چکے ہیں اور وہ رواں سال مارچ سے جیل میں ہیں۔ہندوستا ن کے قانون کے تحت کچھ دنوں کی ‘رخصت’ پانا ہر قیدی کا حق ہے۔