لاہور۔۔۔۔۔ مینار پاکستان پر جماعت اسلامی کے تین روزہ اجتماع کے لیے چاروں اطراف خیمہ بستیاں ا باد کر دی گئی ہیں۔ جہاں ملک بھر سے ا نے والے کارکن رہائش رکھیں گے۔ اجتماع کے لیے اسی فٹ لمبا تینتیس فٹ چوڑا اور سولہ فٹ بلند اسٹیج بنا لیا گیا ہے۔ اسٹیج کے سامنے والے گراؤنڈ پنڈال کے طور پر استعمال ہوگا۔ اجتماع کا ا غاز جمعتہ المبارک کی اذان سے ہو گا جبکہ اختتام اتوار کی دوپہر ہوگا۔ اجتماع میں ہندو ،سکھ ،عیسائی بھی شریک ہوں گے۔ ملک کے دور دراز سے ا نے والی خواتین اور کارکنوں کے قافلوں کی شکل میں اجتماع گاہ میں پہنچ رہے ہیں۔ خواتین کے لئے بھی پنڈال کا الگ حصہ مختص کیا گیا ہے جبکہ ان کے تین روزہ قیام کے لیے رہائش گاہیں قائم کی جا چکی ہیں۔ خواتین کے لئے ایک ہزار جبکہ مردوں کے لئے دو ہزار واش رومز بنائے گئے ہیں۔ شرکاء4 کو دو وقت کا کھانا دیا جائے گا جس کے لئے چھ سو باورچی دن رات کام کریں گے۔ کارکنان اجتماع کی کامیابی کے حوالے سے پرجوش ہیں جبکہ بچوں کے جذبے بھی توانا ہیں۔ اجتماع میں شرکت کرنے والوں کا ماننا ہے کہ اسلامی نظام کا قیام ہی خوشحال پاکستان کی ضمانت دے سکتا ہے۔