دبئی۔۔۔۔۔ سرفراز احمد کی شاندار سنچری کی بدولت پاکستان نے دبئی ٹیسٹ میں نیوزی لینڈ کے خلاف شاندار انداز میں واپسی کرتے ہپوئے کیویز کی میچ میں بڑی برتری حاصل کرنے کا خواب چکنا چور کردیا۔پاکستان نے میچ کے چوتھے دن 281 رنز چھ کھلاڑی آؤٹ سے اننگ دوبارہ شروع کی تو میچ کے ابتدائی آدھے گھنٹے میں ہی پاکستان اپنی تین وکٹوں سے محروم ہو گیا۔اس موقع پر سرفراز ے راحت کے ساتھ مل کر شاندار بلے بازی کا مظاہرہ کیا اور تن تنہا کیویز باؤلرز کا مقابلہ کیا اور ساتھ میں حریف ٹیم کی برتری بھی کم کرتے رہے۔انہوں نے کھانے کے وقفے سے کچھ دیر قبل اپنی شاندار سنچری مکمل کی جبکہ ساتھ ساتھ ساتھ پاکستان کے اسکور کو بھی 370 رنز تک پہنچا دیا۔