کیلیفورنیا۔۔۔۔۔غیر ملکی خبر رساں ادارے کے مطابق اجتماعی قتل کی واردات میں ملوث مجرم چارلس مینسن کو شادی کا اجازت نامہ کیلیفورنیا کی کنگز کاؤنٹی کی جانب سے جاری کیا گیا ہے۔ رواں ماہ 7 نومبر کو جاری ہونے والے اس اجازت نامے میں کنگز کاؤنٹی نے 80 سالہ قاتل چارلس مینسن کو 26 سالہ ایفٹن ایلین برٹن سے شادی کی اجازت دیدی گئی ہے۔ مس برٹن نے تقریبا 9 سال قبل مڈ ویسٹرن میں واقع اپنی رہائشگاہ کو خیر باد کہہ کر جیل کے قریب سکونت اختیار کرلی تھی تاکہ وہ اپنے ہونے والے شوہر چارلس مینسن کے قریب رہ سکے۔ 26 سالہ ایفٹن ایلین برٹن اپنے ہونے والے شوہر کی بے گناہی ثابت کرنے کیلئے متعدد ویب سائٹس کو بھی چلا رہی ہیں۔ کیلیفورنیا کی کنگز کاؤنٹی کی جانب سے جاری کئے گئے اجازت نامے میں شادی کی تاریخ درج نہیں کی گئی ہے تاہم جوڑے کو 90 روز کے اندر شادی کرنے کا کہا گیا ہے۔ مقررہ وقت گزر جانے کے بعد انھیں دوبارہ اپلائی کرنا پڑے گا۔ برٹن کا غیر ملکی میڈیا سے گفتگو میں کہنا تھا کہ وہ اور چارلس ا?ئندہ ماہ رشتہ ازدواج میں منسلک ہو جائیں گے۔ ایفٹن ایلین برٹن کا کہنا تھا کہ وہ چارلس مینسن کے مقدمے پر کام کرنے کی خواہش مند ہے کیونکہ شادی کے بعد اسے اس مقدمے کی معلومات تک رسائی کی اجازت حاصل ہو جائے گی۔ واضع رہے کہ چالرس مینسن 1969 میں ہونے والے اجتماعی قتل کی واردات میں سزا یافتہ ہے۔ چارلس مینسن کو 2027 سے قبل پیرول کی اجازت بھی نہیں ہے۔