دبئی۔۔۔۔۔دبئی میں جاری دوسرے ٹیسٹ میچ کے تیسرے دن پہلی اننگز میں ابتدائی نقصان کے بعد پاکستانی بلے باز محتاط مگر پراعتماد انداز میں کھیل رہے ہیں۔اس وقت کریز پر یونس خان اور اظہر علی موجود ہیں اور اب سے کچھ دیر قبل پاکستان نیاپنی پہلی اننگز میں دو وکٹوں کے نقصان پر 70 رنز بنا لیے ہیں۔
منگل کو آخری سیشن میں دونوں اوپنرز توفیق عمر اور شان مسعود کے آؤٹ ہونے کے بعد یونس اور اظہر نے محتاط انداز اپنایا تھا۔بدھ کو کھیل کے آغاز پر ان دونوں بلے بازوں نے پراعتماد انداز میں بلے بازی کی ہے اور اچھے سٹروک کھیلے ہیں۔نیوزی لینڈ کے لیے اب تک لیگ سپنر اش سوڈھی اور مارک کریگ نے ایک ایک وکٹ لی ہے۔نیوزی لینڈ کو پوری ٹیم میچ کے دوسرے دن 403 رنز بنا کر آؤٹ ہوگئی تھی۔
نیوزی لینڈ کی اننگز کی خاص بات اوپنر ٹام لیتھم کی سنچری تھی۔ وہ 137 رنز بنا کر آؤٹ ہوئے۔پاکستان کی جانب سے ذوالفقار بابر چار وکٹوں کے ساتھ سب سے کامیاب بولر رہے تھے۔واضح رہے کہ پاکستان نے پہلا میچ جیت کر سیریز میں ایک صفر کی برتری حاصل کر رکھی ہے۔
اس میچ کے لیے پاکستانی ٹیم میں تین تبدیلیاں کی گئی ہیں۔
احمد شہزاد کے سر میں چوٹ کی وجہ سے ان کی جگہ توفیق عمر نے ٹیم میں واپسی کی ہے جبکہ دوسرے اوپنر محمد حفیظ بھی ہیم سٹرنگ کی تکلیف میں مبتلا ہیں اور ان کی جگہ شان مسعود کو ٹیم میں شامل کیا گیا ہے۔
اس کے علاوہ تیز بولر عمران خان کی جگہ احسان عادل نے لی ہے۔
نیوزی لینڈ کی ٹیم انھی کھلاڑیوں پر مشتمل ہے جنھوں نے ابو ظہبی میں کھیلے جانے والے پہلے ٹیسٹ میں ملک کی نمائندگی کی تھی۔
دوسرے ٹیسٹ میچ میں پاکستانی بلے باز محتاط
آج کی سب سے زیادہ پڑھی جانے والی خبریں
آج کی سب سے زیادہ پڑھی جانے والی خبریں