اسلام آباد۔۔۔ وزیراعظم نواز شریف نے ملک بھر سے پولیو کے مکمل خاتمے کے لئے انسداد پولیو فوکس گروپ قائم کردیا جو ہر 15 روز بعد وزیراعظم کو رپورٹ کرے گا۔ ذرائع کے مطابق وزیراعظم ہاؤس میں وزیراعظم کی زیر صدارت انسداد پولیو کی اسٹیئرنگ کمیٹی کا اجلاس ہوا جس میں چاروں صوبوں کے وزرااعلی، وفاقی وزرا سمیت عالمی اداروں کے حکام بھی شریک ہوئے۔ اس موقع پروزیراعظم نے اس عزم کا اظہار کیا کہ ملک بھر سے اس موذی مرض کا 6 ماہ میں خاتمہ کردیں گے جبکہ اس حوالے سے وزیراعظم نے کابینہ ارکان پر مشتمل انسداد پولیو فوکس گروپ قائم کرنے کا اعلان کیا جس میں وزارت صحت، دفاع اور داخلہ شامل ہیں جو ہر 15 روز بعد وزیراعظم کو پولیو کے حوالے سے پیشرفت سے متعلق آگاہ کرے گی۔اجلاس کے دوران وزیراعظم کا کہنا تھا کہ دوسرے ملکوں کی نسبت پاکستان میں پولیو مہم میں مشکلات درپیش ہیں جس کا خاتمہ قومی ذمہ داری ہے اور اس کے لئے تمام اقدامات کریں گے،پاکستان کا ہربچہ عزیز ہے اور کسی کو معذور نہیں دیکھ سکتا۔ انہوں نے کہا کہ پولیو کے خاتمے میں غفلت کو جرم سمجھتا ہوں اس لئے صوبے پولیو کے خاتمے کے لئے موثر اقدامات کریں اور ہم نے پولیو کے خلاف لڑائی ہر حال میں جیتنی ہے جبکہ پاکستان ایک ذمہ دار ملک ہے اس لئے اس مہم کی خود نگرانی کررہا ہوں۔پولیو اسٹیئرنگ کمیٹی کے اجلاس میں وزیراعلی پنجاب شہباز شریف، وزیراعلی سندھ قائم علی شاہ، وزیراعلی بلوچستان ڈاکٹرعبدالمالک بلوچ اور وزیراعلی خیبرپختونخوا پرویز خٹک سمیت عالمی اداروں اور تنظیموں کے حکام بھی شریک ہوئے
وزیراعظم نے پولیو کے مکمل خاتمے کے لئے انسداد پولیو فوکس گروپ قائم کردیا
آج کی سب سے زیادہ پڑھی جانے والی خبریں
آج کی سب سے زیادہ پڑھی جانے والی خبریں
-
انمول پنکی کیسے گرفتار ہوئی؟ تہلکہ خیز انکشافات سامنے آگئے
-
عوام کیلئے بڑی خوشخبری ، عالمی مارکیٹ میں سولر پینلز کی قیمتیں تاریخ کی کم ترین سطح پر پہنچ گئیں
-
پیٹرول کی قیمتیں کب کم ہوں گی؟ خواجہ آصف نے بڑی خوشخبری سنا دی
-
پی ٹی آئی کے اہم رہنما انتقال کر گئے
-
آئی پی پیز کو دفن کر دیا ، اب بجلی کو اتنا سستا کرنے جا رہے ہیں کہ لوگ بیٹری میں محفوظ کر کے را...
-
بجلی کی پیداوار سے متعلق وزیراعظم کا بڑا فیصلہ
-
ان ٹارگٹڈ کراس سبسڈی ختم، بجلی کی پوری قیمت وصول کرنے کا فیصلہ
-
ذوالحج 1447 ہجری کا چاند کب نظر آنے کا امکان ہے؟ سپارکو نے ممکنہ تاریخ بتا دی
-
’’آزادی کی ہوا چل رہی ہے‘‘
-
درآمدی سولر پینل پر کسٹمز ڈیوٹی کیلیے نئی قیمتیں مقرر
-
شاطر ڈرگ ڈیلر پنکی، جس نے شناخت چھپانے کیلیے تیزاب میں انگلیاں جلائیں، زندگی سے متعلق اہم انکشافات
-
شادی میں لیگ پیس نہ ملنے پر تصادم، نوجوان ہلاک
-
کتابوں پر پلاسٹک کور چڑھانے پر مکمل پابندی عائد، خلاف ورزی پر بھاری جرمانے عائد کرنے کا فیصلہ
-
ٹریفک حادثے کے بعد کار سوار نے نوجوان کو گولیاں مار دیں



















































