لاہور( این این آئی)پنجاب حکومت نے معدنیات و کان کنی کیلئے نیا جامع قانونی نظام متعارف کرانے کا فیصلہ کیا ہے۔پنجاب مائنز اینڈ منرلز بل 2025 آجپنجاب اسمبلی میں منظوری کے لئے پیش کیا جائے گا۔ بل کے تحت لائسنسنگ اتھارٹی ،کان کنی ومعدنیات فورس، پولیس اسٹیشن اورعدالتوں کی تشکیل دی جائے گی۔بل کے متن کے مطابق اتھارٹی کے پاس نئے لائسنس کے اجرا ء اور معطل وختم کرنے کا اختیار ہوگا، بل کے تحت کان کنی ومعدنیات فورس تشکیل دی جائے گی۔ غیر قانونی کان کنی روکنا کان کنی ومعدنیات فورس کے ذمے ہوگا ۔ بل کے تحت کان کنی ومعدنیات پولیس اسٹیشن تشکیل پائیں گے، بل کے تحت کان کنی و معدنیات کے معاملات لئے سپیشل کورٹس تشکیل دئیے جائیں گے۔
کان کنی ومعدنیات فورس کاسینئرافسرڈی جی ہوگا، ڈی جی اور سینئر افسران کے علاوہ فورس کو یونیفارم پہننالازم ہوگا، فورس کے پاس گرفتار کرنے کا اختیارہوگا،بل مظوری کے بعد متعدد مسودہ قانون ختم کردئیے جائیں گے۔ سپیشل کورٹ کا فیصلہ سیشن کورٹ میں چیلنج ہوگا، بل کے تحت ایکسپلوریشن پروموشن ڈویژن تشکیل پائے گا، ایکسپلوریشن پروموشن ڈویژن جیولوجیکل ڈیٹا بیس تیار کرے گا، بل میں بڈنگ کے طریق کار،جرمانوں کی شقیں بھی موجود ہے۔معدنیات و کان کنی کیلئے نیا جامع قانونی نظام متعارف کرانے کا بل کا مقصد سرمایہ کاری کو راغب کرنا اور قانونی یقین فراہم کرناہے، بل کا مقصدقومی و ین الاقوامی معیارات کے مطابق موثر قانونی نظام بناناہے، بل کا مقصد سائنسی اور ماحولیاتی طور پر ذمہ دارکان کنی کیطریقوں کوفروغ دینا ہے۔
