لاہور(این این آئی)اسٹیٹ بینک کا مرکزی بینک برائے ڈیجیٹل کرنسی کا منصوبہ تجرباتی مرحلے میں داخل ہوگیا۔ملک بھر میں ڈیجیٹل ادائیگیوں کی راہ ہموار کرنے کے لئے اسٹیٹ بینک ڈیجیٹل کرنسی کی نگرانی کے لیے فریم ورک تشکیل دے رہا ہے، مرکزی بینک برائے ڈیجیٹل کرنسی کا منصوبہ تجرباتی مرحلے میں داخل ہوگیا۔ڈیجیٹل کرنسی کی پائلٹ لانچ سے پہلے قوانین کو حتمی شکل دی جائے گی، ڈیجیٹل کرنسی سے بینک اکائونٹ اور نقدی کے بغیر بھی لین دین ممکن ہوگا۔
اسٹیٹ بینک یا مالیاتی ادارے ایک ڈیجیٹل والٹ موبائل ایپ فراہم کریں گے۔موبائل فون میں ڈیجیٹل والٹ سے کیو آر کوڈ کے ذریعے فوری ادائیگی ہوگی۔ صارفین اس ڈیجیٹل والٹ ایپ میں اپنے قومی سناختی کارڈ سے رجسٹر ہوں گے۔ ڈیجیٹل والٹ سے دوسرے شخص کا صرف نمبر ڈال کر پیسے بھیجے جا سکیں گے۔آن لائن شاپنگ اور ای کامرس پلیٹ فارمز پر بھی ڈیجیٹل روپیہ قابل قبول ہوگا، بیرون ملک سے آنے والی رقوم براہ راست ڈیجیٹل والٹ میں موصول ہوسکیں گی۔ ڈیجیٹل والٹ سے سرکاری ادائیگیاں اور ٹیکس وغیرہ بھی آسانی سے ادا ہوسکیں گے۔
