کراچی (این این آئی) کراچی سے لاہور جانیوالی قومی ایئر لائن (پی آئی اے) کی پرواز پی کے316میں فنی خرابی پیدا ہوگئی جس کے باعث کپتان طیارے کو ٹیک آف پوائنٹ سے واپس لے آیا۔ ذرائع کے مطابق پرواز پی کے 316گیارہ بجے لاہور کیلئے روانہ ہوئی تھی کہ بوئنگ777طیارے میں اچانک خرابی پیدا ہوگئی جس سے

کپتان نے اڑان بھرنے سے انکار کردیا۔ مسافر آدھے گھنٹے تک طیارے میں بیٹھے رہے جس کے بعد مسافروں کو لاؤنج منتقل کردیا گیا۔ تین گھنٹے گزرنے کے باوجود پرواز روانہ نہ ہوسکی جس کے باعث ایئرپورٹ پر مسافروں نے احتجاج کیا۔ بعد ازاں حیرت انگیزطورپر پرواز کئی گھنٹے تاخیر کے بعد لاہور روانہ کردی گئی۔

موضوعات:پی آئی اے