لاہور(آئی این پی) موبائل فون کی سمگلنگ کا معاملہ، پی آئی اے انتظامیہ نے پریمئیر سروس کی ائیر ہوسٹس کو نوکری سے نکال دیا‘ائیر ہوسٹس ے اعتراف جرم بھی کر لیا۔تفصیلات کے مطابق علامہ اقبال انٹرنیشنل ائیرپورٹ پر کسٹمز سمیت پی آئی اے ذرائع کے مطابق قومی ائیرلائنز کی ائیرہوسٹس جب پریمئیر سروس کی پرواز پی کے 758 کے ذریعے لندن سے لاہور پہنچی ۔ اس کے قبضے سے 6 قیمتی آئی فون جبکہ 1 قیمتی سام سنگ موبائل فون برآمد ہوا .جن کی پاکستانی مارکیٹ میں قیمت 25 لاکھ سے زائد بنتی ہے۔ ائیر پورٹ ذرائع کے مطابق حراست میں لیے جانے کے بعد دوران تفتیش ائیر ہوسٹس نے کسٹمز حکام کے سامنے اعتراف کیا کہ اس نے سوچتے سمجھتے ہوئے سمگلنگ کی کوشش کی ہے وہ براہ راست خود اس میں ملوث ہے اعتراف جرم پر پی آئی اے حکام نے ائیر ہوسٹس کو نوکری سے نکال دیا جس کے احکامات ڈپٹی جنرل مینیجر ہیومن ریسورس برائے فلائیٹ سروسز عبدالحق ہالپوتہ نے جاری کیے ۔