کراچی(مانیٹرنگ ڈیسک ) پاکستان اسٹاک مارکیٹ کی کارکردگی ایشیا کے لیے مثال بن گئی، پاکستانی مارکیٹ نے بھارت سمیت ایشیا کی اہم معیشتوں کوبہت پیچھے چھوڑ دیا۔خطے کے بہترین کارکردگی دکھانے والے حصص بازاروں میں شمار ہونے کے بعد پاکستان اسٹاک مارکیٹ کے سرمایہ کاروں کا بھی جوش بڑھ گیا ، 100 انڈیکس نے ٹریڈنگ کے دوران بلندی کا نیا ریکارڈ بنا لیا، نہ بھارت نہ سری لنکا ، پاکستان اسٹاک ایکسچینج کا انڈیکس سب کو پیچھے چھوڑ گیا ۔
رواں سال جہاں بھارت کے شیئر بازار میں صرف 7 فیصد بہتری آئی پاکستان اسٹاک ایکسچینج میں حصص کی مالیت اوسط 20 فیصد بڑھ گئی ۔ماہرین کا کہنا ہے کہ حکومت کی جانب سے سڑکوں ، پلوں اور پاور پلانٹس کی تعمیر کے علاوہ پاک چین اقتصادی راہ منصوبے سے بھی سرمایہ کاروں کا اعتماد ملکی معیشت پر بڑھ ہے ہیں یہی وجہ ہے کہ اسٹاک مارکیٹ بھی آئے روز بلندی کے نئے ریکارڈ بنا رہی ہے ۔