لاہور ( این این آئی) پاکستان مسلم لیگ (ن) نے چیئرمین تحریک انصاف عمران خان کے حالیہ بیانیے کے خلاف حکمت عملی تیار کرلی ۔مسلم لیگ (ن) ذرائع کا کہنا ہے کہ عمران خان کا موجودہ بیانیہ جھوٹا ہے جس کے خلاف عملی تیار کرلی ہے اور مسلم لیگ (ن) نے فیصلہ کیا ہے کہ حقائق عوام کے سامنے رکھے جائیں گیجس کے لیے مریم نواز شریف تنظیمی کنونشنز اور عوامی اجتماعات کو حقائق عوام تک پہنچانے کے لئے استعمال کریں گی۔ذرائع کا کہنا ہے کہ مریم نواز شریف پیر سے عوامی سطح پر عمران خان کے مقامی اور انٹرنیشنل ہینڈلرز کو بے نقاب کریں گی۔مریم نواز شریف پیر کو قصور جائیں گی، جہاں تنظیمی کنونشن مین خطاب کے دوران اہم حقائق سے پردہ اٹھائیں گی۔