لاہور (مانیٹرنگ ڈیسک) آئی جی پولیس پنجاب عثمان انورنے پولیس لائنز میں خطاب کرتے ہوئے کہا کہ اگر پولیس پر گولی چلے گی تو اس کا جواب گولی سے ہی دیا جائے گا۔ ان کا کہنا تھا کہ عمران خان کی جانب سے پولیس پر لگائے گئے الزامات میں کوئی سچائی نہیں ہے،ان کا کہنا تھا کہ عمران خان کو قتل کرنے کی کوئی منصوبہ بندی نہیں کی گئی، ہم کسی بھی شہری کو نقصان پہنچانے کا سوچ بھی نہیں سکتے، ان کاکہناتھا کہ عمران خان کی جانب سے لگائے گئے الزامات کا سامنا ہر سطح پر کرنے کو تیار ہیں، جوڈیشل کمیشن ہو یا کسی سطح پر تحقیقات ہوں، اپنی ٹیم کے ساتھ جواب دیں گے، انہوں نے کہاکہ پولیس والے قصور وار نکلیں تو سزا دیں ورنہ الزام لگانے والوں کو سزا دی جائے۔