گوجرانوالہ (این این آئی)گوجرانوالا میں بہو کو زہر دے کر قتل کرنے کے الزام میں گرفتار سسر کو پولیس تھانے میں مکمل پروٹوکول دیا گیا۔ میڈیارپورٹ کے مطابق بہو کو زہر دے کر قتل کرنے کے الزام میں گرفتار ملزم تفتیشی افسر کے کمرے میں آرام کرتا رہا۔ملزم کو پولیس کی جانب سے تھانے میں مکمل پروٹوکول بھی دیا گیا جس کی ویڈیو بھی سوشل میڈیا پر وائرل ہوئی۔ویڈیو وائرل ہونے کے بعد پولیس نے ملزم کو حوالات میں بند کردیا ، پولیس کے مطابق پہلے گرفتاری نہیں ڈالی گئی تھی، مرنے سے پہلے ملزم کی بہو نے سسر اور اس کے بیٹے پر زہر دینے کا الزام لگایا تھا۔