لاہور(آئی این پی)افغانستان کے خلاف سیریز میں قومی ٹیم کے آل رانڈر شاداب خان کو کپتان بنانے کا فیصلہ کر لیا گیا، افغانستان کے خلاف قومی ٹیم کی قیادت شاداب کریں گے جبکہ فاسٹ بالر شاہین آفریدی کو افغانستان کے خلاف آرام کرانے کا فیصلہ کیا گیا ہے، بابر اعظم اور محمد رضوان کے ساتھ شاہین آفریدی کو آرام دینے کی تجویزسامنے آئی ہے، فاسٹ بالر حارث رئوف کو بھی آرام دینے کی تجویز ہے،اس کے علاوہ محمد نواز کی جگہ عماد وسیم کو سکواڈ میں شامل کرنے کا امکان ہے، ذرائع کے مطابق احسان اللہ، فہیم اشرف، شان مسعود اور صائم ایوب کی سکواڈ میں شمولیت کے امکانات بھی روشن ہیں،واضح رہے کہ اس سے قبل خبریں تھیں کہ ٹیم کی کپتانی شاہین آفریدی کے سپرد ہوگی۔