لاہو ر( این این آئی) سربراہ عوامی مسلم لیگ وسابق وفاقی وزیر داخلہ شیخ رشید احمد نے کہا ہے کہ پی ڈی ایم پھٹ چکی ہے، انتخاب میں نہیں احتساب میں جائے گی، رات ڈرائونا خواب دیکھتے ہیں، صبح دفعہ 144لگا دیتے ہیں۔سماجی رابطے کی ویب سائٹ ٹوئٹر پر

شیخ رشید احمد نے لکھا کہ نگران وزیر اعلیٰ پنجاب اور آئی جی کی پریس کانفرنس جھوٹ کا پلندہ تھی، پہلے عمران خان کو قاتل کہا پھر درویش کے ایکسیڈنٹ کا بیانیہ بنایا، درویش ظل شاہ کی موت (ن) لیگ کی سیاست دفن کر دے گی، حکومت اتنا ظلم کرے جتنا کل سہہ بھی سکے، پولیس ہمدردیاں تبدیل کرتے ہوئے عدت کے دن بھی پوری نہیں کرتی۔انہوں نے کہا کہ نانی اور بلو رانی کہتی ہے میچ اس وقت کھیلیں گے جب پلیئر اور امپائر ان کے ہوں گے، فیصل آباد میں نانی کے لیے 30گاڑیوں کا پروٹوکول اور امریکہ میں بلورانی کی شاہ خرچیاں بچت سکیم کا حصہ ہیں۔سابق وزیر کا کہنا تھا کہ سعودی عرب معافی مانگ کر بھاگنے اور لندن میں 4سال ہائوس ریسٹ رہنے سے پاکستان میں اصولوں کے لیے جیل جانا قابل افتخار ہے، 15دن تو کیا نوازشریف رمضان میں بھی پاکستان نہیں آئیں گے۔سربراہ عوامی مسلم لیگ نے مزید کہا کہ آئی ایم ایف سے تو معاہدہ دور کی بات ہے ابھی دوست ملکوں سے خیرات اور زکو بھی نہیں ملی، امریکہ کی تنہائی اور چین کی کامیابی خطے میں بڑی خبر ہے۔