کراچی (این این آئی) ایم کیو ایم رہنما روف صدیقی نے ملک میں معاشی ایمرجنسی ڈکلیئر کرنے کا مطالبہ کردیا اور کہا صدقات و زکو بینک کو سود سے مستثنیٰ قرار دیا جائے۔تفصیلات کے مطابق ایم کیو ایم رہنما روف صدیقی نے ملک میں معاشی ایمر جنسی ڈکلیئر کرنے کا مطالبہ کردیا۔رؤف صدیقی نے کہا کہ پورے ملک میں ہنگامی بنیادوں پر صدقات بینک اور زکوۃ بینک قائم کیے جائیں اور صدقات و زکو بینک کو اسٹیٹ بینک کی جانب سے سودسے مستثنیٰ قرار دیا جائے۔انہوں نے کہا کہ وزیر اعظم قیمتوں کے مصنوعی بحران پر قابو پانے کے لیے کریک ڈان کریں ، غذائی اجناس کی ذخیرہ اندوزوں کیخلاف وفاقی،صوبائی سطح پر کریک ڈاون کیا جائے۔انھوں نے مزید کہا کہ بینک 50 ہزار سے 50 لاکھ روپے تک ضرورتمندوں کو آسان اقساط پرقرضے فراہم کریں۔