سڈنی ( این این آئی)آسٹریلیا کرکٹ ٹیم کے کپتان پیٹ کمنز کی والدہ سڈنی میں انتقال کر گئیں۔کرکٹ آسٹریلیا نے ماریہ کمنز کی گزشتہ رات وفات پر افسوس کا اظہار کرتے ہوئے کہا ہے کہ ماریہ کمنز کی وفات کا بہت افسوس ہے، پیٹ کمنز، کمنز فیملی اور ان کے دوستوں سے افسوس کا اظہار کرتے ہیں۔کرکٹ آسٹریلیا کے مطابق آسٹریلیا کرکٹ ٹیم بھارت کے خلاف چوتھے ٹیسٹ کے دوسرے روز بازوں پر سیاہ پٹیاں باندھے گی۔کپتان پیٹ کمنز والدہ کی تیمارداری کے لیے دوسرے ٹیسٹ کے بعد بھارت سے وطن واپس چلے گئے تھے۔واضح رہے کہ پیٹ کمنز کی غیر موجودگی میں اسٹیو اسمتھ ٹیم کی قیادت کر رہے ہیں۔