اسلام آباد (مانیٹرنگ ڈیسک) چیئرمین تحریک انصا ف عمران خان کی جانب سے اداروں کے خلاف ہرزہ سرائی کے مقدمے میں بلوچستان پولیس کی ٹیم وارنٹ گرفتاری لے کر لاہورپہنچ گئی ہے، پولیس ٹیم میں ایس پی ندیم ، ڈی ایس پی عبدالستار، سب انسپکٹر اور دیگر 2 اہلکار شامل ہیں۔ واضح رہے کہ عمرا ن خان کے خلاف اداروں کیخلاف ہرزہ سرائی پر کوئٹہ میں مقدمہ درج کیا گیا ہے۔یہ مقدمہ شہری عبدالخلیل کاکڑ کی مدعیت میں درج کیاگیا تھا،جس میں الیکٹرانک کرائمز کی روک تھام سمیت دیگر دفعات شامل کی گئیں تھیں۔