راولپنڈی (این این آئی)سابق کپتان شاہد خان آفریدی نے بابر اعظم، جیسن روئے، محمد حفیظ اور صائم ایوب کی بیٹنگ کی تعریف کی ۔سماجی رابطے کی ویب سائٹ ٹوئٹر پر جاری کیے گئے پیغام میں شاہد آفریدی نے بابر اعظم، جیسن روئے، محمد حفیظ اور صائم ایوب کی بیٹنگ کی تعریف کی۔شاہد آفریدی نے پشاور زلمی کے کپتان بابر اعظم کی تعریف کرتے ہوئے کہا کہ انہوں نے 60 گیندوں پر سنچری بناکر جارحانہ اننگز کھیلی۔سابق کپتان نے کہا کہ صائم ایوب اپنی بیٹنگ سے سب کو متاثر کر رہا ہے۔انہوں نے کہا کہ کوئٹہ گلیڈی ایٹرز جیسن روئے کی اس طرح کی اننگز کو مس کر رہا تھا۔شاہد آفریدی نے محمد حفیظ کی بیٹنگ کی تعریف کرتے ہوئے کہا کہ انہوں نے شاندار بیٹنگ کر کے میلہ ہی لوٹ لیا، کیا میچ تھا۔

موضوعات:شاہد خان آفریدی