کراچی (این این آئی)لاہور قلندرز کے بیٹر ڈیوڈ ویزے نے کہا ہے کہ لاہور قلندرز نے مجھے اس وقت موقع دیا جب میں زیادہ لیگز نہیں کھیلتا تھا۔ڈیوڈ ویزے نے پریس کانفرنس کرتے ہوئے بتایا کہ لاہور قلندرز کی ٹیم نے ہمیشہ مجھے بیک کیا، میں نے بھی پرفارم کیا، قلندرز نے ہمیشہ ٹیلنٹ کو فروغ دینے کیلئے کام کیا ہے،
قلندرز کا پلیئرز ڈویلپمنٹ پروگرام مثالی ہے۔انہوں نے کہا کہ حارث رئوف کا اوپر آنا بتاتا ہے کہ لاہور قلندرز نے کس طرح ٹیلنٹ کو فروغ دیا، کراچی کنگز کے خلاف مقابلہ اچھا ہوگا، بڑے شہروں کا بڑا میچ ہوگا، پہلے ہمارا ریکارڈ اچھا نہیں تھا لیکن گزشتہ دو سال میں ہم نے ریکارڈ بہتر کیا ہے، ٹونامنٹ میں شروعات اچھی کی ہے، امید ہے اور بہتر پرفارمنس دے کر اگلے رانڈ میں جائیں گے۔ڈیوڈ ویزے نے کہا کہ لاہور قلندرز کا بولنگ اٹیک بہترین ہے، شاہین اور زمان خان نے جس طرح ڈیتھ اوورز میں بولنگ کی وہ مثالی تھی، راشد خان کے آنے سے ہماری بولنگ اور بھی مضبوط ہوجائے گی، شاہین نوجوانی میں بہت زبردست کپتانی کر رہے ہیں، شاہین کی کرکٹنگ سوچ کافی تگڑی ہے، شاہین بطور کپتان دوسروں سے مشورہ کرنے میں بالکل نہیں گھبراتا، شاہین آفریدی میں ایک اچھے کپتان کی تمام نشانیاں موجود ہیں۔
