ایبٹ آباد (این این آئی)سابق گورنر خیبرپختونخوا سردار مہتاب احمد خان نے عمران خان کے خلاف تحریک عدم اعتماد کو پاکستان ڈیموکریٹک موومنٹ (پی ڈی ایم) کا غلط فیصلہ قرار دیتے ہوئے کہاہے کہ موجودہ حکومت ناکام ہوچکی مہنگائی سے لوگ مر رہے ہیں،مسلم لیگ ن کا کے پی، سندھ بلوچستان سے خاتمہ ہو چکا ہے،
صوبائی قیادت پارٹی کو نقصان پہنچا رہی ہے، اسے فوراً تبدیل کیا جائے، مریم نواز شریف کی بیٹی ہے، آمد پر احتجاج نہیں کرینگے ۔تقریب سے خطاب میں سردار مہتاب احمد خان نے کہا کہ موجودہ حکومت ناکام ہوچکی مہنگائی سے لوگ مر رہے ہیں۔انہوں نے کہا کہ پی ٹی آئی حکومت کے خلاف عدم اعتماد لاکر غلط فیصلہ کیا گیا، سارا گند اپنے ذمے لے لیا گیا۔سابق گورنر خیبر پختونخوا نے کہا کہ صوبے میں ن لیگ کا مکمل خاتمہ ہوچکا ہے، صوبائی قیادت پارٹی کو نقصان پہنچا رہی ہے، اسے فوراً تبدیل کیا جائے۔انہوںنے کہاکہ حکومت کے وزیر مال بنا رہے ہیں، اپنے دفتروں میں بیٹھنا پسند نہیں کرتے، موجودہ حکومت ناکام ہوچکی مہنگائی سے لوگ مر رہے ہیں۔سردار مہتاب احمد خان نے کہا کہ ہماری پارٹی اگر ہماری قدر نہیں کرتی تو ہمیں بھی کسی سے کوئی تمغہ نہیں لینا۔انہوںنے کہاکہ پاکستان کی تاریخ گواہ ہے اس پر ہمیشہ مخصوص ٹولا قابض رہا جس نے محمد خان جونیجو مرحوم جیسے شریف ایماندار کو بھی نہ معاف کیا ۔سردار مہتاب عباسی نے کہا کہ اب وقت آگیا ہے کہ عوام کو انکی مرضی کے مطابق ملک چلانے دیا جائے۔انہوںنے واضح کیا کہ پارٹی نہیں چھوڑ رہا اپنی نوجوانی اس ملک کو دی ،مسلم لیگ کو جان بوجھ کر تباہ کردیا گیا ہے ۔ انہوںنے کہاکہ پاکستان معاشی تباہی کے دھانے پر پہنچا دیا ہے، وزیراعظم شہباز شریف پر موجودہ حالات کی تباہی کا الزام لگ رہا ہے۔ انہوں نے کہاکہ ڈیڑھ سو روپے کلو آٹا پہنچ گیا، ہمارا وزیر منہ کالا کر کے آئی ایم کے ساتھ بیٹھا ہے ۔
انہوں نے کہاکہ موجودہ پارلیمنٹ ملک کی نمائندگی نہیں کر رہی۔انہوںنے کہاکہ مسلم لیگ کے پی کی قیادت نے پیسے کمانا شروع کر دئیے ہیں،مسلم لیگ ن کا کے پی، سندھ بلوچستان سے خاتمہ ہو چکا ہے۔ انہوںنے کہاکہ انتخابات اس ملک کے مسائل کا حل نہیں۔انہوںنے کہاکہ مسلم لیگ نواز میں سب سے زیادہ متکبر لوگ دیکھیں ہیں۔ انہوںنے کہاکہ مسلم لیک کے پی کی قیادت نہ بدلی تو ٹکٹ لینے والا کوئی نہیں ہو گا۔
انہوں نے کہاکہ مریم نواز کے ایبٹ آباد دورہ کے خلاف کوئی احتجاج نہیں کرنا۔ سردار مہتاب عباسی نے کہا کہ کوئی ہماری عزت کرے یا نہ کرے ،ہماری روایات ہیں کوئی مہمان آئے اسکی عزت میں کمی نہیں کرنی ۔ انہوںنے کہاکہ مریم نواز شریف کی بیٹی ہے اور نواز شریف نے ہمیشہ ایبٹ آباد کو عزت دی ،اس وقت مسلم خیبر پختون خواہ کو ایک نااہل ٹولے کے سپرد کیا گیا جس نے جماعت کو تباہ کر دیا ، پارٹی کی صوبائی قیادت کو ختم کرکے حقیقی کارکنوں کو عزت دی جائے۔
