لندن (نیوز ڈیسک) برطانیہ میں کورٹ فیس میں اضافے پر احتجاجا 50 مجسٹریٹس مستعفی ہو چکے ہیں۔ سابق وزیر قانون کرس گیلنگ نے نیا قانون متعارف کرایا تھا جس کے تحت معمولی جرائم میں بھی لوگوں کو بھاری فیس ادا کرنا پڑتی ہے۔ دی انڈیپنڈنٹ کی رپورٹ کے مطابق سندرلینڈ میں 26 سالہ گیون لی نے پولیس کی گاڑی کے سامنے چھلانگ لگا کر خودکشی کی کوشش کی مگر جب کیس چلا تو گیون کو 425 پا?نڈ گاڑی کو نقصان پہنچانے جبکہ 180 پاونڈ کورٹ چارجز ادا کرنے پڑے۔ مجسٹریٹس کا خیال ہے کہ کم وسائل رکھنے والے شہری بھاری فیسز ادا نہیں کرسکتے، اس لئے خدشہ ہے کورٹ فیس بڑھنے سے جرائم میں بھی اضافہ ہوگا۔