لاہور ( این این آئی) پاکستان تحریک انصاف کے مرکزی رہنما و سابق وفاقی وزیر فواد چوہدری نے کہا ہے کہ پاکستان ڈیمو کریٹک موومنٹ (پی ڈی ایم ) والے اپنے گھر میں بھی الیکشن کروائیں تو دو تہائی اکثریت نہیں لے سکتے۔ چیئرمین عمران خان کی

رہائشگاہ زمان پارک آمد کے موقع پر گفتگو کرتے ہوئے انہوں نے کہا کہ الیکشن سے بھاگیں مت ،اسلام آباد ہو، کراچی ہو یا حیدر آباد ہو ہر جگہ الیکشن سے بھاگ رہے ہیں۔ انہوںنے کہا کہ پی ڈی ایم والے اپنے گھر میں بھی الیکشن کروائیں تو دو تہائی اکثریت نہیں لے سکتے۔ گورنر پنجاب اسمبلی تحلیل کرنے کی سمری پر دستخط کر کے الیکشن کی طرف بڑھیں ۔ علاوہ ازیں تحریک انصاف کے جنرل سیکرٹری سینٹرل پنجاب حماد اظہر نے کہا کہ پی ڈی ایم نے اپنے کیس معاف کرانے کی خاطر ملک کی سیاست اور معیشت کو تباہ کیا،پچھلے 9ماہ عوام نے بدترین فیصلہ سازی اور حکمرانی کا نمونہ دیکھا،پوری دنیا میں عوام حکمرانوں کا انتخاب کرتیں ہے اور قومیں عظیم بنتی ہیں۔انہوں نے کہا کہ پاکستان میں چند لوگ فیصلہ کر لیتے ہیں اور کوئی پوچھنے والا نہیں۔