اسلام آباد (این این آئی)فوربز میگزین کی جانب سے ایشیا پیسیفک سے 50 سال سے زیادہ عمر کی 50 خواتین کی فہرست جاری کی گئی ہے جو اپنے شعباجات میں نئی بلندیوں کو چھو رہی ہیں،فہرست میں وفاقی وزیر شیری رحمان کا نام بھی شامل ہے ۔

فوربز میگزین کے مطابق 50 سال زائد عمر کی یہ 50 خواتین خطے کی اگلی نسل کی حوصلہ افزائی کر رہی ہیں،کاپ 27 میں شیری رحمان عالمی خبروں پر چھائی رہیں۔ فوربز میگزین کے مطابق کانفرس میں لاس اینڈ ڈیمیجز متعلق فنڈ کا نیا معاہدہ طے پایا گیا، شیری رحمان صحافی، وزیر اطلاعات اور امریکہ میں سفیر رہ چکی ہیں۔ فور میگزین کے مطابق شیری رحمان 2018 میں سینیٹ میں قائد حزب اختلاف کے عہدے پر فائز ہونے والی پاکستان کی پہلی خاتون ہیں، شیری رحمان کو اپریل 2022 میں پاکستان کی وزیر برائے ماحولیاتی تبدیلی مقرر کیا گیا۔ فوربز میگزین کے مطابق وہ نشان امتیاز کے ساتھ دیگر اعزازات اپنے نام کر چکی ہیں، فنانشل ٹائمز نے شیری رحمان کو 2022 کی 25 بااثر خواتین میں شامل کیا، یاد رہے کہ گزشتہ ماہ فائنانشل ٹائیمز نے شیری رحمان کو 2022 کی 25 بااثر خواتین کی فہرست میں شامل کیا تھا۔