اسلام آباد (آن لائن)وزیراعظم شہبازشریف نے سیکٹر آئی 10 فور دھماکے میں جاں بحق ٹیکسی ڈرائیور کیلئے مالی پیکج کی منظوری دیدی۔وزیراعظم نے قانون نافذ کرنے والے اداروں کی تحقیقات کی روشنی میں ڈرائیور سید سجاد حیدر شاہ کے اہل خانہ کے لئے ایک کروڑ روپے کے مالی پیکج کی منظوری دی۔

وزیراعظم کی ہدایت پر مالی پیکج کا چیک سید سجاد حیدر شاہ کے اہل خانہ کے حوالے کر دیا گیا۔تحقیقات میں بتایاگیا تھا کہ سید سجادحیدر شاہ کا دہشت گردوں یا اْن کے منصوبے سے کوئی تعلق ثابت نہیں ہوا۔سید سجاد حیدر شاہ کی ٹیکسی میں 23 دسمبر کو اسلام آباد کے سیکٹرآئی 10 فور میں دھماکہ ہوگیا تھا۔سید سجاد حیدر کا بنیادی طورپر تعلق رہانہ، ضلع چکوال سے تھا اور وہ راولپنڈی میں مسلم آباد، ڈھوک سیداں میں رہائش پزیر تھا۔سید سجاد حیدرشاہ کے پسماندگان میں اہلیہ اور چار بچے ہیں۔سید سجاد حیدر شاہ کے اہل خانہ نے وزیراعظم شہباز شریف کا شکریہ ادا کیا ہے۔ وزیراعظم شہبازشریف نے سیکٹر آئی 10 فور دھماکے میں جاں بحق ٹیکسی ڈرائیور کیلئے مالی پیکج کی منظوری دیدی۔وزیراعظم نے قانون نافذ کرنے والے اداروں کی تحقیقات کی روشنی میں ڈرائیور سید سجاد حیدر شاہ کے اہل خانہ کے لئے ایک کروڑ روپے کے مالی پیکج کی منظوری دی۔وزیراعظم کی ہدایت پر مالی پیکج کا چیک سید سجاد حیدر شاہ کے اہل خانہ کے حوالے کر دیا گیا۔