لاہور(این این آئی) مسلم لیگ ق کے رہنما مونس الہٰی اور ن لیگی رہنما عطا تارڑ کے درمیان ٹویٹر پر دلچسپ جملوں کا تبادلہ ہوا ہے۔ٹویٹر پر مسلم لیگ ق کے رہنما اور سابق وفاقی وزیر نے لکھا کہ رانا ثناء اللہ صاحب میں اب اکتاہٹ کا شکار ہو چکا ہوں

اور تھک کر گھر جا رہا ہوں، لیکن جب آپ کا آنے کا پروگرام ہو تو مجھے آگاہ کردیجئے گا۔مونس الہٰی نے یہ ٹویٹ رانا ثنا اللہ کے اس بیان کے بعد دیا جس میں انہوں نے وزیراعلی ہائوس کو سیل کرنے کا عندیہ دیا گیا۔دوسری جانب مونس الہٰی کے ٹویٹ پر وزیراعظم کے معاون خصوصی عطا تارڑ نے ردعمل دیتے ہوئے کہا کہ اب بڑے ہو جائو، آپ کے والد اعتماد کا ووٹ لینے سے کیوں بھاگ رہے ہیں، کیا ان کے پاس مطلوبہ تعداد میں ممبران نہیں ہیں؟۔عطا تارڑ نے ردعمل میں لکھا کہ میدان سے ایسے تو نہیں بھاگتے جیسے آپ کے والد فرار ہورہے ہیں، حوصلہ کرکے میدان میں اترو اور مقابلہ کرو، بڑھکیں مار کر بھاگ جانا تو کوئی بات نہ ہوئی۔معاونِ خصوصی نے مزید لکھا کہ آپ اکتاہٹ کا شکار نہ ہوں ، ہم نے آپ کیلئے بہت سارے تفریح کے موقع تیار کر کے رکھے ہیں۔