اسلام آباد ( آن لائن )مسلم لیگ (ن) کے رہنما طلال چوہدری نے کہا ہے کہ عمران خان اسمبلی توڑنا نہیں چاہتے، ان کی نااہلی واضح نظر آرہی ہے۔ایک بیان میں طلا ل چوہدری نے کہا کہ عمران خان دھمکیاں دے کر صرف اپنے ذاتی کیسز پر بات چیت کرنا چاہتے ہیں۔ شہباز شریف مشکل معیشت کو درست انداز میں چلا رہے ہیں، وفاقی حکومت پْراعتماد ہے اور حکومت کے پاس مطلوبہ اکثریت موجود ہے۔ طلال چوہدری کا کہنا ہے کہ ہم نے لوگوں کے لیے معاشی آسانیاں پیدا کی ہیں اور ملک کی معیشت کو بچانے کے لیے اپنی سیاست کی قربانی دی ہے، ملک کی معیشت ایک دن بھی اگر نگراں حکومت کی متحمل ہو سکتی تو ہم بنا دیتے۔