پشاور(این این آئی) خیبرپختونخوااسمبلی کے ڈپٹی سپیکرمحمودجان نے ایم پی ایز کی عدم حاضری پر برہمی کااظہار کرتے ہوئے کہاہے کہ بعض اراکین صرف ٹک ٹاک بنانے اسمبلی آتے ہیں ۔منگل کے روز اسمبلی اجلاس کے دوران جب کورم کی نشاندہی کی گئی
تو اس دوران ایوان میں صرف20اراکین موجود تھے ۔جس پر ڈپٹی سپیکر محمودجان نے کہاکہ کچھ ایم پی ایز ایسے ہیں جن کاکام صرف ٹک ٹاک بناناہوتاہے اور ایوان میںٹک ٹاک بناکر چلے جاتے ہیں ،اس موقع پر دومنٹ تک کیلئے گھنٹیاں بجائی گئیں جب اجلاس دوبارہ شروع ہوا تو اراکین کی تعداد29تک جاپہنچی جس پر دوبارہ دو منٹ تک گھنٹیاں بجانے کاحکم دیاگیا تاہم اسمبلی کارروائی جاری رکھنے کیلئے ایم پی ایز کی مطلوبہ تعدادپھربھی مکمل نہ ہوسکا بعدازاں ڈپٹی سپیکرمحمودجان نے کہاکہ اپوزیشن لیڈرسمیت دیگرحزب اختلاف کے اراکین کوتوجہ دلاونوٹس پر صوبائی حکومت کاموقف سنناچاہئے تھا یہاں اے این پی کے دو اراکین صرف ٹک ٹاک کیلئے مشہور ہیں اجلاس جمعہ کی صبح تک کیلئے ملتوی کردیاگیا۔
