ملتان ٹیسٹ کے دوسرے دن پاکستانی ٹیم پہلے ہی سیشن میں ڈھیر
ملتان(آئی این پی)انگلینڈ کیخلاف ملتان ٹیسٹ قومی ٹیم کی بیٹنگ لائن ایک بار پھر لڑ کھڑا گئی اور پوری ٹیم صرف 202رنز بنا کر واپس پویلین لوٹ گئی،ملتان ٹیسٹ کے دوسرے روز میچ کا آغاز پاکستان نے 2وکٹوں کے نقصان پر 107رنز کے ساتھ کیا تاہم پہلے سیشن میں کپتان بابر اعظم 75اور سعود شکیل کے 63 رنز پر آئوٹ ہونے کے بعد وکٹوں کی لائن لگ گئی،دوسرے روز پہلے سیشن میں کپتان بابر اعظم انگلش بولر اولی رابنسن کی گیند پر 75رنز پر بولڈ ہوگئے جس کے بعد سعود شکیل جیک لیچ کی گیند پر جیمس اینڈریسن کو کیچ دے بیٹھے اور 63رنز کے ساتھ پویلین لوٹ گئے،اس کے بعد محمد رضوان 10، محمد نواز 1، فہیم اشرف 2 ، محمد علی اور زاہد محمود صفر پر ہی پویلین لوٹ گئے،محمد رضوان کو بھی جیک لیچ نے بولڈ کردیا اس کے بعد جو روٹ آغا سلمان اور محمد علی جبکہ جیک لیچ محمد نواز کی وکٹ لینے میں کامیاب رہے، زاہد محمود کو مارک ووڈ نے ایل بی ڈبلیو کیا۔
