لاہور (آن لائن) پاکستان تحریک انصاف کے سربراہ عمران خان کی لاہور کے علاقہ زمان پارک میں واقع ذاتی رہائش گاہ پر سرکاری وسائل کے استعمال کا انکشاف ہوا ہے۔ میڈیا رپورٹ کے مطابق پارکس اینڈ ہارٹیکلچر اتھارٹی نے عمران خان کی رہائش گاہ کو رنگ برنگے پھولوں سے سجانے کے لئے مختلف اقسام کے پھولوں کے گملوں سے بھرا ٹرک زمان پارک پہنچا دیا ہے۔ پی ایچ اے نے یہ گملے عمران خان کو تحفے کے طور پر بھجوائے ہیں۔ واضح رہے کہ پی ایچ اے کی سرکاری ذمہ داری شہر کے پبلک پارکس اور گرین بیلٹس کی دیکھ بھال کرنا ہے کسی شہری کی ذاتی رہائش گاہ پر سرکاری وسائل کا استعمال سمجھ سے بالاتر ہے۔