اسلام آباد (نیوز ڈیسک)پاکستان تحریک انصاف کے بانی عمران خان سے ملاقات کے لیے امریکا سے آنے والی خاتون ڈاکٹر سندس علی اڈیالہ جیل پہنچ گئیں۔میڈیا سے گفتگو کرتے ہوئے ڈاکٹر سندس علی نے بتایا کہ وہ ہر بار عمران خان کے لیے کتابیں لے کر آتی ہیں تاکہ وہ قید کے دوران مطالعہ کر سکیں۔
ان کا کہنا تھا کہ منگل کے روز بھی جو کتابیں عمران خان کو دی گئیں، وہ انہی کی جانب سے امریکا سے منگوائی گئی تھیں۔ڈاکٹر سندس علی نے مزید کہا کہ امریکا میں جمہوریت قائم ہے، وہاں بھی کئی لوگ ڈونلڈ ٹرمپ کو پسند نہیں کرتے، اس کے باوجود وہ اقتدار میں موجود ہیں۔
