لاہور ( این این آئی) تحریک انصاف کے لانگ مارچ کے دوران فائرنگ سے جاں بحق معظم گوندل ایک ہفتہ قبل کویت سے لوٹا تھا، مقتول اپنے دونوں بیٹوں کے ساتھ مارچ میں شرکت کیلئے گیا تھا۔مقتول کے بیٹے علی حسن نے بتایا کہ وہ اپنے والد کے ساتھ لانگ مارچ میں گیا تھا جہاں ایک شخص عمران خان کو گولی مار رہا تھا، پاپا نے جاکر گن کھینچی تو گولی انکو لگ گئی، پہلے میں نے پاپا کو اٹھایا پھر دوسرے لوگ آگئے۔مقتول کے بھائی نے قاتلوں کو کڑی سزا دینے کا مطالبہ کرتے ہوئے کہا کہ ہمیں انصاف چاہئے۔افسوسناک واقعہ پرالہ آباد کی فضا سوگوار جبکہ ہر آنکھ آشکبار ہے، مقتول کا بڑا بیٹا علی حسن چوتھی جبکہ دائود پہلی کلاس کا طالبعلم ہے۔