لکھنو(نیوزڈیسک)شمالی بھارت میں دو بھائیوں نے کزن کے ساتھ تعلقات کے جرم میں اپنی نو عمر بہن کاسر قلم کردیا۔غیر ملکی میڈیا نے پولیس افسر راجیش سنگھ کے حوالے سے لکھا کہ دونوں بھائیوں نے اپنی 17 سالہ بہن کا سر قلم کیا اور لاش کو وہیں چھوڑ کر سر کے ہمراہ وہاں سے فرار ہوگئے۔رپورٹ کے مطابق پولیس ابھی تک دونوں بھائیوں کو گرفتار کرنے میں کامیاب نہیں ہوسکی .ابھی تک دونوں کی عمروں کا تعین بھی نہیں کیا جاسکا تاہم وہ دونوں قتل کی جانے والی لڑکی سے بڑے تھے راجیش سنگھ کے مطابق تقریباً درجن بھر لوگوں نے دیکھا کہ لڑکی کو گھر سے باہر گھسیٹ کر اس پر تشدد کیا گیا اور پھر اس کا سر قلم کردیا گیاتاہم انھوں نے واقعہ کی اطلاع پولیس کو نہیں دی۔واقعہ کی رپورٹ ایک مقامی سیکیورٹی گارڈ نے پولیس کو دی۔

C