ممبئی(این این آئی) بالی وڈ کے میگا اسٹار شاہ رخ خان کی اپنی بیٹی سوہانا خان اورچھوٹے بیٹے ابرام کے ساتھ گاڑی میں گھومنے کی تصاویرسوشل میڈیا پروائرل ہوگئیں۔سوشل میڈیا پروائرل ہونے والی تصاویرمیں شاہ رخ خان کوگاڑی چلاتے ہوئے دیکھا جاسکتا ہے۔ شاہ رخ کے ساتھ فرنٹ سیٹ پران کی بیٹی سوہانا بیٹھی نظرآرہی ہیں جبکہ ان کی گود میں چھوٹا بھائی ابرام خان بھی بیٹھا ہوا ہے۔سوشل میڈیا صارفین نے شاہ رخ خان کومحبت اورخیال کرنے والا والد قراردیتے ہوئے تصاویرکے لئے پسندیدگی کا اظہارکیا اورکہا کہ شاہ رخ خان حقیقی معنوں میں دلوں کے بادشاہ ہیں۔شاہ رخ خان حال ہی میں اپنی آنے والی فلم ’پٹھان ‘ کی شوٹنگ مکمل کرکے اسپین سے واپس بھارت لوٹے ہیں۔