کراچی(این این آئی)پی آئی اے نے ایئرفورس افسران کی تعیناتی کی3سالہ مدت ختم ہونے پر مزید توسیع کی سفارش کرتے ہوئے درخواست اسٹیبلشمنٹ ڈویژن کو ارسال کردی۔تفصیلات کے مطابق پی آئی اے میں پاک فضائیہ افسران کی تعیناتیوں کی 3سالہ مدت ختم ہوگئی ، جس کے بعد ایئرلائن نے

ایئر فورس افسران کی تعیناتی میں مزیدتوسیع کی سفارش کر دی۔اس سلسلے میں پی آئی اے کی جانب سے توسیع کی درخواست اسٹیبلشمنٹ ڈویژن کو ارسال کردی گئی ہے۔جس میں کہا گیا ہے کہ ایئرفورس افسران کی تعیناتی میں مزیدایک سال کی توسیع کی جائے، پی آئی ایکوانتظامی امورکے ماہرین درکار ہیں۔پی آئی اے کی درخواست میں ائیر کموڈورجوادظفرچوہدری ، ایئرکموڈورامیرالطاف اوراسکواڈن لیڈرمحمدعدیل کا نام شامل ہیں۔ائیرکموڈور جواد ظفرچوہدری اور اسکواڈن لیڈرمحمد عدیل کی مدت رواں ماہ ختم ہوگی جبکہ ایئرکموڈورامیرالطاف کی پی آئی اے میں تعیناتی کی مدت آئندہ ماہ ختم ہوگی۔اسٹبلشمنٹ ڈویژن کی سمری پروزیراعظم نے ڈیپوٹیشن ملازمین کی منظوری دی تھی ، پی آئی اے کے مطابق سپریم کورٹ کے احکامات پرپابندی کی وجہ سے نئی تعیناتیاں نہیں ہوسکتیں۔