اقوام متحدہ (نیوزڈیسک)اقوام متحدہ کےانسانی حقوق کے خصوصی تفتیش کارنے کہا ہے کہ میانمار حکومت نے انہیں راکھین ریاست میں روہنگیا مسلمانوں تک رسائی فراہم کرنے سے انکار کر دیا ہے۔انہوںنے مزید بتایا کہ اس ریاست میں روہنگیا مسلمانوں کی اکثریت آباد ہے جو انسانی حقو ق سے محروم ہے ،انسانی حقوق کی تنظیموں کے مطابق میانمار حکومت وہاں رہائش پذیر روہنگیا مسلمانوں کو نہ تو سیاسی آزادی اور نہ ہی شہریت فراہم کر رہی ہے بلکہ ان کی حفاظت میں بھی ناکام رہی ہے۔ اقوام متحدہ کے خصوصی نمائندے گزشتہ پانچ دنوں سے ینگوں میں تھے، اس دوران انہوں نے میانمار حکومت سے روہنگیا مسلمانوں کی اکثریت ریاست تک رسائی کے لیے درخواست کی تاہم حکومت نے انکار کر دیااور یہ ہی نہیں حکومت نے انہیں میانمار میں 10 دن تک قیام کرنے کی بھی اجازت نہیں دی۔