لاہور( این این آئی )باپ کی جانب سے مبینہ زیادتی کا شکار ہونے والی متاثرہ لڑکی اور والدہ انصاف کیلئے سیشن عدالت پہنچ گئیں ،ماں اور بیٹی رو رو کر دوہائیاں دیتی رہیں ،انصاف نہ ملنے پر خاتون نے احاطہ عدالت میں خودسوزی کی کوشش کی جسے ناکام بنا دیا گیا

جبکہ خاتون کا کہنا ہے کہ اگر انصاف نہ ملا تو زندگی ختم کر لوں گی۔ کنیز فاطمہ بی بی نے کہا کہ میرے شوہر نے میری بیٹی کو ایک سال تک جنسی زیادتی کا نشانہ بنایا ،لوگوں کے گھروں کے برتن دھو کر گزارا کرتی ہوں ،میرے پاس وکیل کرنے کے پیسے بھی نہیں ہیں ،شوہر اور دیور دھمکیاں دے رہے ہیں۔ اس موقع پر زیادتی کا شکار بیٹی بھی رو رو کر انصاف کے لیے دوہائیاںدیتی رہی ۔ لڑکی نے کہا کہ کوئی باپ ایسے ہوتا ہے ،باپ تو پیار کرنے والے ہوتا ہے ،زیادتی کون باپ کرتا ہے۔مبینہ زیادتی کے ملزم نے عدالت میںضمانت کی درخواست دائر کردی ،ملزم کے خلاف تھانہ نشتر کالونی نے زیادتی کا مقدمہ درج کیا تھا۔