اسلام آباد (مانیٹرنگ ڈیسک )ایک سال سے زائد عرصے کے بعد خانہ کعبہ میں عمرہ زائرین کی بڑی تعداد عمرہ کی سعادت حآصل کرنے پہنچ گئی ہے۔ زائرین آج پہلی مرتبہ نماز جمعہ مبارک مکمل گنجائش کے ساتھ ادا کریں گے۔ سربراہ حرمین شریفن عبدالرحمان السدیس کی جانب سے

انتظامیہ کو سہولتوں کی فراہمی کی ہدایت کی گئی ہے۔ ہماری ویب کی رپورٹ کے مطابق یہی نہیں زائرین کی بڑھتی ہوئی تعداد کو دیکھتے ہوئے اب مسجدالحرام کے 50 مزید دروازے آج کھول دیے جائیں گے۔ مسجد الحرام کے اندرونی صحنوں اور ملحقہ برامدوں میں ایک ساتھ ہی سینیٹائزنگ کی جا رہی ہے جبکہ اس کام کیلئے 4 ہزار سے زائد مردو خواتین کارکنوں کو تعینات کی گیا ہے۔ خیال رہے کہ سعودی عرب میں کورونا وائرس کو زور ٹوٹنے کے بعد ہی کورونا وائرس کی وجہ سے لگائی گئی پابندیوں کو کافی حد تک نرم کر دیا گیا ہے یہی وجہ ہے کہ آج سے پہلے مسجد الحرام اور مسجد نبویﷺ میں سماجی فاصلے کی شرط ختم کر دی گئی ہے، مقام ابراہیم اور خانہ کعبہ کے گرد لگائے گئے بیرئیرز بھی ہٹا دیے گئے ہیں اس کے علاوہ مسجد نبویﷺ اور مسجدالحرام میں سماجی فاصلے کیلئے لگائی گئی علامتیں بھی ہٹا دی گئی ہیں۔ واضح رہے کہ ان پابندیوں کو نرم کرنے کا حکم یہ تمام پابندیاں ختم کرنے کی اجازت الحرمین شریفین انتظامیہ کی جانب سے کی گئی ہیں۔