ممبئی (نیوز ڈیسک) بالی ووڈ اداکارہ انوشکا شرما کا کہنا ہے کہ وہ کسی بھی ایسی مصنوعات کی تشہیری مہم کا حصہ نہیں بنیں گی جس میں کسی خاص طبقے کیخلاف تعصب سے کام لیا گیا ہو اور اسی لئے وہ رنگ گورا کرنے والی کریموں کے اشتہار میں بھی کام نہیں کریں گی۔ واضح رہے کہ بالی ووڈ کی متعدد چوٹی کی اداکارائیں رنگ گورا کرنے والی کریموں کے اشتہار میں کام کرنے میں کوئی عار محسوس نہیں کرتی ہیں۔اس بارے میں اپنے خیالات کا اظہار کرتے ہوئے انوشکار نے کہا کہ وہ کسی بھی ایسے پروڈکٹ کی تشہیر نہیں کریں گی جو کہ نسلی یا جنسی تعصب کو فروغ دیتا ہو۔ میں کسی ایسے اشتہار میں کام نہیں کروں گی جس میں گوری رنگت کا دعویٰ کیا جائے اور نہ ہی میں کسی ایسے اشتہار میں کام کروں گی جس میں یہ کہا جائے گا کہ کیا صحیح اور کیاغلط ہے