نئی دہلی (مانیٹرنگ ڈیسک /آن لائن)بھارتی عالم دین مولانا شہاب الدین رضوی نے شاہ رخ خان کے بیٹے آریان خان کی گرفتاری پر کہا ہےکہ شاہ رخ خان اپنے بیٹے کی تعلیم و تربیت کسی مدرسے سے کرواتے تو آج حالات مختلف ہوتے ۔ نجی ٹی وی پروگرام میں انکا کہنا تھا کہ آریان کی منشیات کیس میں گرفتاری کے حوالے شہاب الدین رضوی نے کہا ہے کہ

بھارتی سپر سٹار شاہ رخ خان اپنے بیٹے آریان خان کو مدرسے میں پڑھاتے تو انہیں یہ دن نہ دیکھنا پڑتا کیونکہ اسلام میں ہر قسم کے نشے کی ممانعت ہے۔اگر بھارتی ادکار نے خود کبھی مدرسے سے پڑھا ہوتا تو اس کا حساس انہیں بخوبی ہوتا لیکن اگر کوئی مدرسہ نہیں ملا تو گھر کے قریب امام مسجد سے مشورہ کر لیتے تو یہ نوبت یہاں تک نہ پہنچتی ۔دوسری جانب آل انڈیا مجلس اتحاد المسلمین کے سربراہ اسد الدین اویسی نے نام لیے بغیر بالی ووڈ کنگ شاہ رخ خان پر تنقید کرتے ہوئے کہا ہے کہ وہ ان ’بے زبان مسلمانوں‘ کے لیے آواز اٹھائیں گے جو جیلوں میں بند ہیں۔ ان کیلئے نہیں اٹھائیں گے جن کے باپ طاقتور ہیں۔بھارتی میڈیا رپورٹس کے مطابق منشیات کیس میں بالی ووڈ اداکار شاہ رخ خان کے بیٹے آریان خان کی گرفتاری سے متعلق بیان دیتے ہوئے آل انڈیا مجلس اتحاد المسلمین کے سربراہ اسد الدین اویسی نے کہا کہ وہ ان ’بے زبان مسلمانوں‘ کے لیے آواز اٹھائیں گے جو جیلوں میں بند ہیں۔اسد الدین اویسی نے اپنے بیان میں شاہ رخ خان کا نام لیے بغیر کہا کہ وہ ان کے لیے آواز نہیں اْٹھائیں گے جن کے باپ طاقتور ہیں۔اْنہوں نے سوالیہ انداز میں کہا کہ یوپی جیلوں میں قیدیوں میں سے کم از کم 27 فیصد مسلمان ہیں، ان کے لیے کون بولے گا؟